Nuria López de Guereñu Ansola

Eki Fundazioa

Telekomunikazioetako ingeniari gisa lizentziatu nintzen Kataluniako Unibertsitate Politeknikoan 1995ean. Nire lehen etapa profesionalean, sistema-teknikako funtzioak garatu nituen Osakidetzan (Euskal Osasun Zerbitzua), eta, ondoren, ikerketa teknologikoa egin nuen (Tekniker eta Vicomtech). Nire bizitzako hurrengo urteak zerbitzu publikoan eman nituen, eta Eusko Legebiltzarrean eta Gipuzkoako Foru Aldundian (landa-ingurunearen garapena eta natura-ingurunearen kudeaketa) eta Eusko Jaurlaritzan (garraio eta herri-lanak, trenbide- eta portu-lanak, logistika eta meteorologia) ordezkaritza-karguak izan nituen. Confebaskeko idazkari nagusi izan nintzen garaian, lanbide heziketa maite izan nuen, eta erabaki nuen urte batzuk ematea arlo horretako jarduera akademikoari eta ikerkuntzari. Horrela, Erasmus Mundus in Lifelong Learning: policy and management masterra egin nuen Londresko UCLn, eta soziologiako doktorego-tesia EHUn garatu nuen, laneratzearen lehen urteetako etengabeko ikaskuntza-prozesuetan zentratuta, 2018an doktoretza eginda. Garai horretan, nazioarteko jardunaldi eta biltzarretan parte hartu nuen, aldizkari espezializatuetan egindako hainbat argitalpenekin. Irakasle izan naiz Deusto Business School-en (Ingurune Digitaletako Negozio Eredu Berriak) eta EHUn (Erakundeen eta Enpresaren Soziologia). Gaur egun, Tubacex Taldeko kontseilaria eta Iraunkortasun Batzordeko presidentea naiz, eta EKI Fundazioko zuzendari exekutiboa (Saharaz hegoaldeko Afrikako komunitateetan energia garbia eskuratzeko lanean ari da). Unesco-Etxeko gobernu-kontseiluko kidea naiz, eta enpresa-foroekin eta berdintasuna sustatzeko foroekin elkarlanean aritzen naiz.

Bitxia naiz, eta asko interesatzen zaizkit pertsonak eta egunerokoa eta ez hain egunerokoa ulertzeko eta bizitzeko moduak.